Avstriyanın BOKU universiteti ilə ADAU arasında bağlanmış ERASMUS+ proqramı çərçivəsində BOKU universiteti beynəlxalq magistr proqramı elan edir.

Müraciət üçün Proqramlar: Heyvandarlıq və Genetika üzrə Avropa Magistr proqramı (EMABG)

Avropa Heyvandarlıq və Genetika üzrə Magistr (EMABG), Avropa Birliyinin Erasmus + Proqramı tərəfindən maliyyələşdirilən Erasmus Mundus Birgə Magistr dərəcəsidir (EMJMD).

2021/2022-ci tədris ili tələbə qəbulu açıq elan olunur . Dərslər 2021-ci ilin avqust ayında başlayır. Proqram, Heyvandarlıq və Genetika sahəsində ixtisaslaşmaq istəyən baytarlıq elmləri, biologiya və ya əlaqəli sahələr üzrə əla tələbələr üçün açıqdır. Təqaüd bütün səyahət xərclərini, iki illik təhsil sığortasını və yaşayış xərclərini əhatə edir.

Təqaüdün məbləği: 1000 avro
Müraciət üçün son tarix: 15 yanvar 2021.
Əlavə məlumat: www.emabg.eu



Torpaqşunaslıq və İqlim dəyişikliyi üzrə Beynəlxalq Maqistr proqramı

IMSOGLO Beynəlxalq magistr proqramı torpaq bioqeokimyası və qlobal dəyişikliklər üzrə beynəlxal magistr pilləsində təhsil almalarına imkan yaradır. Avropa Birliyinin Erasmus + Proqramı tərəfindən maliyyələşdirilir. Proqram, Aİ-nin 4 tanınmış universitetindəki tədqiqat qruplarının təcrübələrini bir araya gətirərək torpaqlar və qlobal dəyişikliklər kontekstində məlumatları, alətləri, texnologiyaları və tətbiqləri öyrətməyi hədəfləyir: Gent Universiteti (Belçika), Təbii Sərvətlər və Həyat Elmləri Universiteti (BOKU) , Vyana (Avstriya), Göttingen Universiteti (Almaniya), Orhus Universiteti (Danimarka).

Müraciət açıqdır
Müraciət üçün son tarix: 28 Fevral.
Dərslər : Payız semestri (2021/22) əhatə edir
Əlavə məlumat üçün : www.imsoglo.eu



Proqramın adı: Torpaqşunaslıq və Qlobal Dəyişiklik üzrə Beynəlxalq Magistr

Bitkiçilik üzrə Erasmus Mundus Magistr Proqramı - emPLANT + - qlobal dəyişikliklərin qarşısında duran problemlərlə üzləşmək üçün bitki yetişdirmə, bitki biologiyası, toxum texnologiyası və biotexnologiya sahəsində Avropanın altı qabaqcıl universitetlərindən ibarət bir konsorsium tərəfindən təklif olunan iki illik magistr dərəcəsidir. Altı Konsorsium tərəfdaşı: Politexnik İnstitutu UniLaSalle (Fransa), Szent István Universiteti (Macarıstan), İsveç Kənd Təsərrüfatı Elmləri Universiteti (İsveç), Təbii Resurslar və Təbiət Elmləri Universiteti, Vyana (Avstriya), Università Degli Studi di Milano (İtaliya) və Universitat Politècnica de València (İspaniya).


EMPLANT+ üçün müraciət çağırışı artıq açıqdır və 2021-2023 tədris ili üçün nəzərdə tutulur.
Son muraciət tarixi: 15 yanvar 2021-ci il
Əlavə məlumat: www.emplant-master.eu