Azərbaycan Dövlət Aqrar Universitetinin (ADAU) rektor əvəzi Zəfər Qurbanov Aqrar İqtisadiyyat fakültəsinin professor-müəllim heyəti ilə görüş keçirib.

Tədbirdə Universitetin elmi işlər üzrə prorektoru Azad İbrahimov, fakültə dekanı Asəf Qasımov və universitetin müvafiq struktur rəhbərləri iştirak ediblər.

Görüşün məqsədi gələcək perspektivlər, qarşıda duran məsələlər və tədris ilinin gedişi ilə bağlı işlərin müzakirəsi olub.

Z.Qurbanov qeyd edib ki, ali təhsil müəssisəsində elmi fəaliyyətin təkmilləşdirilməsi və alimlərin beynəlxalq elmi məlumat bazalarına çıxışını təmin etmək ADAU-nun əsas hədəflərindən biridir.

Sonda professor-müəllim heyətinin sualları cavablandırılıb.