Azərbaycan Dövlət Aqrar Universitetində (ADAU) sonuncu kursda təhsil alan tələbələr üçün təlim baş tutub.

Dövlət Məşğulluq Agentliyinin Karyera planlama şöbəsinin müdiri Toğrul Ələkbər, aparıcı mütəxəssis Əli Qurbanlı və 6 saylı ərazi məşğulluq filialının müdiri Rafət Məmmədov müxtəlif fakültələrdə təhsil alan sonuncu kurs tələbələrinə təlim keçib.

Təlimin məqsədi sonuncu kurs tələbələri ilə karyera planlaması, əmək bazarının tələb və təklifləri, müraciət əsasında qarşıya çıxan problemlər və gənclərin gələcək karyeraları üçün özünü inkişafı barədə məlumat vermək olub.